حصري شرح التحميل العشوائى ببرنامج سكاى نت على نسخ البروج القديمه

power_man16 · #1 10 - 5 - 2014

شرح التحميل العشوائى ببرنامج سكاى نت على البروج

مرحلة التجهيز

اهم شئ فى البرنامج ده انه بيحتوى على ملف مهم جداً اسمه skynet.ini دبل كليك عليه افتحه لانه من خلاله ممكن تحدد قنوات الداتا اللى بتحمل منها وترددها والاهم هو البيدات الخاصه بالقناه وكمان بتحدد منه البرتشن اللى تحب تنزل فيه الملفات المحمله ويفضل طبعا انه يكون فيه مساحه فاضيه حوالى 4 جيجا وكمان يمكنك اضافة قنوات داتا جديده عليه وترددها والبيدات الخاصه بها وانا عامل لك مثال فى الصور التاليه شاهدها

خلصنا كده من مرحلة التجهيز واعدادات الملف skynet.ini

نأتى للمهم حمل من الرابط ادناه فستجد ثلاث فولدرات

media1fire

OR

4shared

الفولدر المسمى Stream Reader ده بداخله ملفات للاستريم ريدر لمعظم كروت الستالايت ابحث فيهم عن ملف الاستريم ريدر الخاص بالكارت بتاعك وانسخه داخل فولدر ال Modules اللى موجود ضمن فولدرات البروج ووافق على الاستبدال

الفولدر المسمى skynet انسخ كل ملفاته داخل فولدر ال Modules اللى موجود ضمن فولدرات البروج

الفولدر المسمى PidScanner انسخ الملف ايضا داخل فولدر ال Modules اللى موجود ضمن فولدرات البروج

افتح برنامج البروج واذهب مثلاً الى قمر يوتليسات 3 وقف على القناه Internet وهى احدى قنوات الداتا الموجوده على هذا القمر وتدعم خاصية التحميل العشوائى ويمكنك التحميل من اقمار اخرى ولكن عليك ان تعرف ما هى قنوات الداتا التى تدعم خاصية التحميل العشوائى فيه

اذهب الى قائمة البروج الافقيه اضغط على Service ثم skynet

مع ملاحظة

انك قد لا تجد فى قائمة نسخ البروج الحديثه هذه القائمه اذن شرحى على نسخ البروج الاقدم وليست الاحدث

و نستكمل معاً باقى الخطوات

سيفتح لك نافذه السكاى نت اضغط من الكيبورد على حرف G ستظهر لك قائمه بالاشياء التى ممكن تحملها حسب الامتداد تذهب للشئ اللى انت عاوز تحمله وتضغط على علامة زائد ( + ) بالكيبورد لتفعله وتتحرك يمين ( <--- ) بالسهم من الكيبورد لتحدد الحد الادنى لمساحة الملفات وكل ما تضغط على علامة زائد ( + ) بالكيبورد تزيد المساحه واذا اردت تخفيض الحد الادنى تضغط على علامة ناقص ( - ) ثم اتحرك يمين بالسهم ( <--- ) من الكيبورد لتحدد الحد الاقصى لمساحة الملف وكل ما تضغط على علامة زائد ( + ) بالكيبورد تزيد المساحه واذا اردت تخفيض الحد الاقصى تضغط على علامة ناقص ( - ) وللتحرك لنوع ملفات من امتداد آخر تتحرك من السهم الناظر لاسفل من الكيبورد ولتطلع لفوق تتحرك من السهم الناظر لاعلى من الكيبورد ولحفظ الاعدادات اضغط من الكيبورد على كنترول وحرف S

اذن العمليات كلها داخل السكاى نت تتم بالكيبورد فالتحرك يكون بالاسهم والتفعيل وزيادة المساحه بالضغط على علامة زائد ( + ) اما تقليل المساحه بالضغط على علامة ناقص ( - ) ولاظهار القائمه الخاصه بالملفات الضغط على حرف G وللحفظ الضغط على كنترول S وهناك احرف اخرى بالكيبورد تعمل اشياء اخرى مثل حرف M وحرف N ولكنها ليست ذو اهميه كبيره لتكبير وتصغير شكل سطر التحميل الذى يظهر بالبرنامج

آخر خطوه تذهب للبرتشن اللى انت اختارته وتعمل نيو فولدر وتسميه inet وبتفتحه وتعمل اتنين نيو فولدر تسمى واحد incomplete والتانى temp وهذان الفولدرات بينزل فيهم الملفات التى تحت التجهيز وبعد اكتمالها ستجدها نزلت فى داخل الفولدر inet بعيدا عن هذان الفولدران

طب افرض انك لديك قناه وتعرف ترددها ولكنك لا تعرف البيدات الخاصه بها بسيطه افتح البروج وقف على هذه القناه واضغط من قائمة البروج الافقيه على Service ثم Data Pid Sanner ستفتح لك نافذه اضغط على Start وانتظر لانتهاء البحث واعمل نسخ لهذه البيدات واكتبها فى الملف skynet.ini اللى سبق وذكرته لك فى اول الموضوع مع الفصل بين البيدات بعلامة ( , )

كده كله تمام واتمنى اكون وفقت وتحياتى العطره لكم

samehfr · #2 11 - 5 - 2014

ايه الجمال
انتا مبدع
ربنا يبارك فيك

power_man16 · #3 18 - 5 - 2014

اقتباس:

المشاركة الأصلية كتبت بواسطة samehfr

ايه الجمال
انتا مبدع
ربنا يبارك فيك

كلك ذوق اخى الغالى وسعدت كثيراً بتشريفك للموضوع
والله يزيدك من واسع فضله وكرمه ورزقه ويبارك فيك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حصري شرح مصور لطريقة ترتيب القنوات بالأرقام ببرنامج البروج	power_man16	ProgDVB و Alt-DVB	7	12 - 5 - 2017 7:30 PM
لمحبى نسخ البروج القديمه قنوات 12 قمر والنايل معرب تحديث نوفمبر 2015	power_man16	ملفات القنوات لجميع برامج المشاهدة	0	27 - 11 - 2015 1:08 AM
لمحبى نسخ البروج القديمه ملف قنوات 5 أقمار مع أحدث الترددات أكتوبر 2015	power_man16	ملفات القنوات لجميع برامج المشاهدة	0	14 - 10 - 2015 11:41 PM
لنسخ البروج القديمه ملف قنوات نايل سات معرب مع أحدث الترددات 2014/12/20	power_man16	ملفات القنوات لجميع برامج المشاهدة	1	22 - 12 - 2014 6:19 PM
حصري التحميل العشوائى .. الفكره ..بيانات لقنوات ..شرح فيديو ..ملفات وبرامج	power_man16	اهم الموضوعات و الشروحات المصورة بقسم كروت الستالايت	2	18 - 5 - 2014 1:28 AM